Што покажаа истражувањата на јавното мислење

Анкети - „Маркет вижн“ најблиску до резултатите од првиот круг на претседателските избори

Резултатите од испитувањето на јавното мислење за првиот круг од претседателските избори на агенцијата „Маркет вижн" беа најблиску до она што е објавено како конечни резултати на Државната изборна комисија.

Анкетата на оваа агенција покажа дека кандидатката на ВМРО-ДПМНЕ Гордана Сиљановска-Давкова е во предност од 0,6 отсто од анкетираните граѓани.

Другите анкети (Рејтинг, МЦМС и Социетас цивилис) даваа предност за Стево Пендаровски, кандидатот на СДСМ, од 2,5 до 5,7 проценти.  

Според официјалните податоци на ДИК, Пендаровски е во предност од 0,62 % од гласовите.

Агенцијата „Рејтинг“ предвиде дека за кандидатот на СДСМ ќе гласаат 38,3 отсто од гласачите, а за кандидатката на ВМРО-ДПМНЕ ќе гласаат 33,2 отсто. За Блерим Река требаше да гласаат 12,6 отсто, а 15,9 проценти од испитаниците беа неопределени.

Aнкета на Маркет вижн

„Маркет вижн“ најточно ја предвиде и излезноста. Според нивната анкета голем процент од анкетираните 28,7 % се изјасниле дека се уште не знаат за кого ќе гласаат или одбиле да одговорат, а 26,3 % одговориле дека нема да гласаат или дека не знаат дали ќе гласаат.

На претседателските избори од запишаните 1.808.131 гласач, своето право го оствариле 755.816, односно излезеноста беше 41,85 отсто, информираше Државната изборна комисија.

Сите други агенции предвидоа дека излезноста ќе биде многу поголема.

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе