Истражување на Брима Галуп

Анкета: СДСМ во предност од 3,6% пред ВМРО-ДПМНЕ

Агенцијата за истражување на јавното мислење Брима Галуп - Македонија, за потребите на СДСМ во јуни спроведе анкета на 1.174 гласачи, според која СДСМ  за претстојните парламентарни избори е во предност од 3,6 проценти пред ВМРО-ДПМНЕ (18,7% и 15,1%).

На прашањето за која политичка партија или коалиција ќе гласате доколку денеска се одржуваат парламентарните избори 18,7% од граѓаните одговориле дека би гласале за СДСМ. На второ место е ВМРО-ДПМНЕ со поддршка од 15,1% од граѓаните, а на трето место е ДУИ со поддршка од 8,2%, движењето БЕСА, кое на овие избори настапува во коалиција со СДСМ, има одделна поддршка од 2,6%.

Анкетата покажа дека Зоран Заев, претседателот на СДСМ е во предност пред претседателот на ВМРО-ДПМНЕ Христијан Мицкоски (9,4%:4,2%).

Останати партии кои се појавуваат на анкетата се Интегра со рејтинг од 1,3%, Левица со 1,2% и ДПА со 0,6%.

Во однос на излезноста, 41 отсто од испитаниците одговориле дека сигурно ќе гласаат, додека 18,3 отсто дека нема да гласаат. Останатите би гласале со различен степен на веројатност, но имаат поголема наклонетост кон гласање отколку кон неизлегување на изборите на 15 јули.

На прашањето кој е најголем проблем со кој се соочува државата, граѓаните, со 29,1%  ја означуваат пандемијата oд ковид-19, невработеноста со 21,2%, економскиот развој со 14%, бискиот стандард со 9,4%...

Истражувањето беше спроведено од 5 до 14 јуни, со телефонска анкета (CATI) со национално репрезентативен примерок N=1.174 испитаници на возраст од над 18 години.

На светов има доволно место и за доктори и за антиваксери, и за научници и инженери, како и за рамноземјани и антимаскери, за уметници и фантазери.

повеќе

Во Законот кој е предложен воопшто не се цели на попишување на реалната состојба на терен, туку се цели на попишување на сите возможни граѓани заради задоволување на политички цели.

повеќе

Веќе е јасно дека светот никогаш нема да биде ист по завршувањето на пандемијата и дека последиците ќе креираат нови образовни можности.

повеќе