Пратенички прашања

Анѓушев: Мизо стана директор во „Костал“, единствената странска компанија на која ѝ е дозволено да не ги плаќа придонесите за вработените

Виктор Мизо, поранешниот директор на технолошко индустриските развојни зони денеска е директор во погонот во Струга на германската компанија „Костал“. А токму Мизо, како владин службеник беше тој кој за време на преговорите им дозволил на претставниците на германската компанија да потпише договор со право за неплаќање на придонесите за здравствено и пензиско осигурување за вработените. Ова денеска го изјави вицепремиерот Кочо Анѓушев одговарајќи на пратеничко прашање за странските инвестиции во Македонија.

Анѓушев зборуваше за неконзистентноста на субвенциите на македонската држава за странските инвеститори. Тој рече дека „Костал“ е единствената странска инвестиција која добила право да не ги плаќа придонесите завработените, како дел од државните олеснувања за странските инвеститори.

„Она што беше важно посебно за охридско-струшкиот регион е историјата, начинот, каков вид на производи, каков вид на компании порано работеле овде. Токму овде, во комплексот на поранешно ЕМО, компанија која беше бренд не само во Југославија, туку и во Северна Африка и на Блискиот Исток, дури и во Нигерија, видоа дека тука има луѓе кои можат и кои порано работеле електромеханички, дизајнерски активности, производствени активности, што значи дека со дообука, со преквалификација и вработување на дел од поранешните вработени во ЕМО, но и нови, млади луѓе од целиот“, изјави Мизо лани во октомври за време на отворањето на погонот на германската компанија.

„Ако ова не е отворен конфликт на интереси, јас не знам што е“, рече Анѓушев.

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе