Американската амбасада со порака до Мицкоски: Потпалувачката реторика е опасна

Потпалувачка реторика од политичките лидери предизвикува страв и поделба, особено кога неточно се користат настани од минатото, како што е Нирнбершкиот процес за политички цели. Ова е пораката што му ја испрати американската амбасада на претседателот на ВМРО-ДПМНЕ, Христијан Мицкоски, иако не го именуваше. 

Во реакцијата објавена на официјалниот Фејсбук профил на амбасадата пишува дека „таквиот јазик е опасен и не придонесува за продуктивен дијалог за правецот во кој се движи земјата”.

„Многу е важно лидерите овде повеќе да се вклучат во граѓански дијалог кој може да ја унапреди стабилноста и просперитетот на Северна Македонија”, пишува во реакцијата на амбасадата.

Реакцијата на американската амбасада следи по изјавите на Мицкоски во интервјуто за ТВ Сител. 

„Имам информации дека Митко Чавков е осуден на подолго од 14 години. Очекувам вкупната пресуда што ќе се изрече дека ќе биде преку 100 години за сите луѓе и ќе биде практично Нирнбершки процес, осветољубие и ништо друго“, рече Мицкоски, коментирајќи го притворањето на Митко Чавков пред изрекувањето на пресудата за 27 април.

 

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе