Амбасадата на САД ги охрабрува граѓаните в недела да излезат и да гласаат на локалните избори

Претстојните локални избори на 15 октомври се важни за иднината на Македонија како просперитетна, стабилна демократија, целосно интегрирана во евроатлантските институции, соопшти денеска Амбасадата на САД во Македонија преку социјалните мрежи и ги повика граѓаните да излезат и да гласаат.

„Ги охрабруваме сите граѓани да го искористат своето право на глас, да ги изразат своите погледи за прашањата од нивната општина и да ја реафирмираат својата посветеност кон демократските вредности и владеењето на правото. Ги охрабруваме сите граѓани, граѓанското општество и медиумите да ги пријавуваат своите забелешки за изборните неправилности на надлежните власти. Владата и локалните власти треба целосно да ги истражат сите обвинувања за злоупотреба и да преземат соодветни мерки.

На крајот, партиите, владините институции, новинарите и граѓаните ќе ја одредат веродостојноста на процесот преку своите чекори“, пишува во изјавата.

Од Амбасадата додаваат дека изборите се круцијален дел од секоја демократија и дека ги поддржуваат напорите за охрабрување на граѓаните да гласаат.

„Американската амбасада активно учествува во набљудувањето, заедно со меѓународните и со локалните набљудувачи“, велат од амбасадата.

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе