Трагедијата во Тетово го потресе светот, избриша 14 животи

Алијанса за Албанците: Даваат оставки по објавувањето на првите индиции за грешки во изградбата на болницата

Од Алијанса за Албанците по поднесените неколку оставки реагираат дека тие коишто пред само 24 часа рекоа дека е време за предизвици, а не за оставки, по објавувањето на првите индиции за трагични грешки во изградбата на модуларната болница во Тетово, даваат оставки. Од таму додаваат дека овие, како што велат, задоцнети оставки се обид да се оправда нефункционалната Влада која мора да поднесе оставка до последниот, тактика на неодговорни функционери за да ја покријат својата вина, брзање да го амортизираат револтот на граѓаните и игра да избегаат од одговорноста. 

„Во минатото видовме случаи што завршија со оставка и во следниот мандат со повторно назначување на истите функционери во други оддели, но без никаква кривична одговорност. Трагедијата во Тетово го потресе светот, избриша 14 животи и ги изгори срцата на сите нас. Овој случај не смее да остане без правда и без одговорност. Го повикуваме Обвинителството да не подлегне во политички игри, да дејствува итно и да не дозволи ниеден од осомничените да избега и да ни се случи „Будимпешта 2", стои во реакцијата на Алијанса за Албанците. 

Попладнево оставки поднесоа Флорин Бесими, директорот на Клиничката болница во Тетово, Заменик министерот за здравство Илир Хасани и Артан Етеми, финансиски директор на Тетовската клиника.

Министерот за здравство, Венко Филипче предмалку на прес-конференција соопшти дека понудил писмена оставка до премиерот Зоран Заев. Тоа го сторил поради трагедијата во Тетово.

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе