Тетово

Активист на Беса повикан во полиција во врска со знаците „Јавна куќа ДУИ“

Попладнево на информативен разговор во полициската станица во Тетово бил повикан Артан Етеми, активист на Беса. Причина за информативниот разговор биле поставните знаци на десетина места во Тетово на кои пишувало „Јавна куќа ДУИ 1.000 м“.

Претседателот на Беса, Билал Касами поради повикувањето на активистот дојде во тетовската полиција за да бара објаснување. Тој во изјава за локалната телевизија Коха од Тетово, истакна дека полицијата во Тетово, треба да ги брани активистите, а не криминалците.

„Ова се случува кога политичките партии, кога власта оди на погрешен пат. Наместо да се занимаваат со заштита на граѓаните, наместо да им служи на граѓаните, се занимаваат со заштита на криминална група, која функционира како паралелна група во ДУИ“, рече Касами по напуштањето на полициската станица во Тетово заедно со активистот Артан Етеми, јави Тетовоинфо.мк.

Инаку на социјалните мрежи „Младинско движење“ објави дека тие ги поставиле знаците и налепниците со натпис „Јавна куќа ДУИ“.

СВР Тетово соопшти дека непознати лица на 10 локации, односно по кружните текови низ градот, на метални столбови и на сообраќајни знаци поставиле постери со понижувачка содржина насочена против политичката партија ДУИ.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе