Ако Скопје и Софија постигнат договор, Франција ќе организира меѓувладина конференција, вели Дриан

Франција е решена, во случај на договор меѓу Северна Македонија и Бугарија, да организира меѓувладини конференции меѓу Европската Унија и Северна Македонија и Албанија, објави француското Министерство за надворешни работи и Европа, пренесува МИА од Париз.

Министерот за Европа и надворешни работи Жан-Ив Ле Дриан, како што се вели во соопштението на Кеј Д'Орсеј, на 11 мај, на маргините на министерскиот состанок на глобалната коалиција против ДАЕШ во Маракеш разговараше со неговиот македонски колега Бујар Османи за решавање на спорот меѓу Бугарија и Македонија и ситуацијата во Украина по војната што ја започна Русија на 24 февруари.

„Францускиот министер ја подвлече целосната поддршка на Франција за постигнување балансиран и взаемно прифатлив компромис меѓу Бугарија и Северна Македонија“, се вели во соопштението.

Дриан потсети дека Франција е решена, во случај на договор, да организира меѓувладини конференции меѓу Европската унија и Северна Македонија и Албанија што е можно поскоро за време на нејзиното претседавање со Советот на Европската унија. Францускиот министер, исто така ја повтори француската поддршка за европската перспектива на земјите од Западен Балкан и ја спомена организацијата во јуни, во рамките на француското претседателство со Советот на ЕУ, на конференција меѓу ЕУ и земјите од Западен Балкан, која треба да придонесе за тоа.

 

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе