Реакција

АА: Инцидентот го испровоцира Адеми со навредите кон Снопче и го удри Азири

По денешниот инцидент во собраниската Комисија за европски прашања пратеници од Алијанса за Албанците одржаа прес-конференција и кажаа дека инцидентот не го предизвикала опозицијата, туку претседателот на комисијата Арбер Адеми со своето однесување и конкретно со навредите кон нивниот пратеник Халил Снопче.

„Криминалот, корупцијата, уличарството и нивните сценарија се манифестираа со вандалски и насилнички акти каде со или без намера беше погоден и пратеникот на Алијанса за Албанците, Елми Азири. Срамното сценарио започна со обидот за продолжување на мандатот на судиите на власта. Адеми и лично го навреди пратеникот Снопче, кој побара да се произнесе процедурално. Адеми не му дозволуваше, а ние пратениците од Алијанса за Албацните излеговме пред говорницата за го одбраниме нашето право. И тогаш се случи насилството и вандализмот на координатор на ДУИ. Ова не е прв пат да прават вакви сценацијра во обидот да го сокријат криминалот. Сите мора да го осудиме овој вандалски чин и вандалите да се најдат пред лицето на правдата“, изјави Илире Даути, координатор на пратеничката група на Алијанса за Албанците.