Политика

Секој чекор што ја продлабочува нашата соработка треба да биде поддржан. Има многу позитивни сигнали од оваа посета, изјави денеска  претседателот на Бугрија, Румен Радев, одговарајќи на новинарско прашање за посетата на бугарскиот премиер Кирил Петков на Македонија, јавува БТА.

Очекуваме до крајот на идната недела политичкото крило што го претставува Фатмир Лимани да се приклучи на Двиижењето Беса, потврдуваат за МКД.мк од партијата на Биљал Касами. Лимани, кој е внук на лидерот на ДУИ Али Ахмети и кој ја напушти таа партија и самостојно се кандидираше за градоначалник на Кичево, претходно, во разговор за МКД.мк, изјави дека води разговори со Беса и со Алијанса за Албанците за обединување во една партија или за настап на опозицијата на Албанците на заедничка листа и дека така конечно ДУИ ќе биде поразена.

Денеска преку соопштение ВМРО-ДПМНЕ ја обвинија ЛДП и нејзиниот лидер Горан Милевски дека таа партија е виновна што трае коалицијата на СДСМ и ДУИ. Во соопштението се вели дека „Милевски си ја третира партијата како гранапче, затоа молчи за криминалот на СДСМ и ДУИ". Наспроти обвинувањата на опозицијата, високи партиски извори од ЛДП велат дека недоразбирања во партијата или непотизам нема. Информациите на опозицијата, од ЛДП велат дека се комплетно погрешни за да се остави поинаков впечаток во јавноста за односите во партијата.

Правата на македонските граѓани што се изјаснуваат како Бугари се главна забелешка на бугарските власти кога зборуваат за Договорот за добрососедство со Бугарија. Во Софија се тврди дека има дискриминација, заплашувања и отворени напади против македонските Бугари, а до институциите во земјава досега се поднесени само две претставки за дискриминација врз основа на етничка припадност од лица од бугарска етничка припадност. Едната е во Комисијата за спречување и заштита од дискриминација, а другата кај народниот правобранител.

Бугарската министерка за надворешни работи Теодора Генчовска би можела да побара од САД појаснување за изјавата дека Бугарија може да се најде под санкции бидејќи не сака да ја тргне блокадата за преговорите за членство на Македонија во ЕУ, изјави лидерот на бугарската парламентарна партија „Препород“, Костадин Костадинов.

Западен Балкан, според својата географија и историја, како и преку ветувањето за иднината што го носи, се во срцето на европскиот континент, носи лузни кои нѐ  потсетуваат и на несигурноста на мирот и на силата на нашата Унија, рече денеска францускиот претседател Емануел Макрон во својот говор пред Европскиот парламент во Стразбур каде ги претстави приоритетите на француското претседателство со ЕУ.