НА КОНГРЕСОТ НА ДВИЖЕЊЕТО ЗА РЕФОРМИ ВО ДПА

Зијадин Села избран за претседател на ДПА

Движењето за реформи на ДПА го избра за претседател на партијата Зијадин Села, водачот на ова движење и градоначалник на Струга. Конгресот се одржа под мотото „По патот на Арбен Џафери“

За Зијадин Села да ја раководи ДПА гласаа 617 делегати, еден беше против, а седуммина гласаа воздржано. Села најави дека ќе ја предводи ДПА како демократска партија која со конкретен став дневно ќе реагира на сите политички предизвици.

Села побара од Мендух Тачи да му ги даде партиските печати, во спротивно ќе покрене судска постапка, зашто, како што нагласи, „ова е легитимната ДПА, а не таа на групацијата околу Тачи“ која, рече, ја приватизирала партијата.

Како што беше речено на Конгресот, Села ќе ја предводи партијата, доколку евентуално, поинаку не реши судот.

Конресот реши ДПА да отвори седиште и во Скопје, покрај постојното во Тетово.

Конгресот се одржа во Домот на култирата во Тетово, на само стотина метри оддалеченост од седиштето на ДПА. Под мотото „По патот на Арбен Џафери", повеќемина делегати истакнаа дека партијата треба да се врати на своите изборни принципи и да дејствува како вистинска демократска партија која ги артикулира интересите и барањата на Албанците. Меѓу делегатите беше и Осман Кадриу, истакнат експерт од областа на судството.

Меѓу гостите на Конгресот беа претставници на Националната демократска преродба, Партијата за демократски просперитет, како и претставници на неколку партии од Албанија, Косово и јужна Србија.

Претседателот на ДПА Мендух Тачи во четвртокот изјави дека нема зошто да коментира собир на „определена групација", а на прашањето дали некоја од поголемите македонски партии го раководи Села, Тачи одговори негативно, нагласувајќи дека „Села е неконтролиран".

Овозможувањето континуитет на стопанството треба да биде на прво место во агендата на Владата, бидејќи закрепнувањето на економијата ќе дојде токму од приватниот сектор.

повеќе

Светот првично се соочи со кризата предизвикана од коронавирусот на некоординиран начин, при што огромен број држави едноставно ги игнорираа предупредувањата и настапуваа самостојно.

повеќе

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе