Никој не комуницирал со нив, но...

За Димовски и Милошоски нема да има место во Извршниот комитет на ВМРО-ДПМНЕ

Пред денешното одржување на Централниот комитет на ВМРО-ДПМНЕ на кој ќе се бира новиот Извршен комитет на партијата веќе е извесно дека во него нема да има место за некои од досегашните високи функционери, вклучувајќи ги и Илија Димовски и Антонио Милошоски, и двајцата координатори на две од десетте пратенички групи на ВМРО-ДПМНЕ. 

Конечната одлука ќе се знае вечер, но, Димовски вели дека со нив никој ниту разговарал, ниту се консултирал.

„Не сме консултирани, ниту, пак, сме повикани на разговор. Не сме поканети ни на седницата на Централниот комитет. Едноставно нема комуникација со новиот претседател“, изјави Димовски за МКД.мк.

Новиот претседател на ВМРО-ДПМНЕ, Христијан Мицкоски, кој треба да ги предложи членовите на Извршниот комитет, деновиве, како што велат од партијата, имал консултации околу тоа кој да биде вклучен, а кој да биде изземен од најтесното партиско раководство. Неофицијално, според извори од партијата, во раководството нема да има место за повеќето од високите членови кои бараа одлагање на вонредниот партиски конгрес што се одржа во Валандово.

Димовски вели дека засега не може да ги коментира овие информации.

„Да почекаме да видиме што ќе се случи на вечерашниот Централен комитет. Неблагодарно е да се коментира предвреме“, додава Димовски. 

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе

Брзата храна и газираните пијалоци се водечки причинители на прекумерна телесна тежина, која пак значително го намалува нашиот животен век и квалитет на живот.

повеќе

Процесот на проверка не треба да почне од правосудниот систем, туку од извршните претставници и членовите на парламентот, и тоа не само оние кои се на власт денес, туку и оние кои со години ја водеа земјата.

повеќе