Реакција

ВМРО-ДПМНЕ: Заев, наместо да шири лажна еуфорија, да му се извини на македонскиот народ

Опозициската ВМРО-ДПМНЕ реагира на изјавата на премиерот Зоран Заев дадена во Брисел и вели дека тој ја лаже јавноста. 

„Република Македонија не доби ништо повеќе од тоа што веќе го има добиено во 2008 година. Условите за членство во НАТО Република Македонија ги исполни уште во 2008 година, кога ВМРО-ДПМНЕ беше на власт. Заради Заев, сега дополнителниот услов не е решавање на проблемот кој што Грција го имаше со нашето име, туку откажување од името Република Македонија и бришење на македонската историја, традиција и култура.

Власта нема добиено ништо повеќе, но затоа има дадено многу повеќе. Зоран Заев ја понижи државата и потпиша промена на името на државата, ги прифати грчките црвени линии за промена на Уставот, идентитетот и јазикот“, пишува во реакцијата од ВМРО-ДПМНЕ.

Од партијата обвинуваат дека Заев со манипулации мисли дека ќе ја излаже јавноста за  капитулацијата која ја има направено, но граѓаните не можат да бидат излажани.

„НАТО членството е приоритет и на ВМРО-ДПМНЕ, но базирано на достоинство и  чест, а не на понижување и капитулација. Зоран Заев и СДСМ наместо да шират лажна еуфорија, треба да му се извинат на македонскиот народ“, се додава во соопштението.

Плукајќи врз музикантите, незнаејќи одработувате за други интереси поведени од разбирливата емотивна нетрпеливост која ја прават криминалците од двете страни.

повеќе

Каков и да биде резултатот од предвидениот референдум за името во септември или во октомври, тој не дава гаранција за обезбедување двотретинско мнозинство во Собранието за промена на Уставот.

повеќе

Тесла преку проектот Варденклиф покажал дека енергетските ресурси се неограничени.

повеќе