ВМРО-ДПМНЕ ја бојкотира работата на Собранието, бараат ослободување на притворените пратениците

ВМРО-ДПМНЕ нема да учествува во работата на Собранието и на собраниските тела сѐ додека не се ослободат од притвор пратениците Крсто Мукоски, Љубен Арнаудов и Сашо Василевски, Јохан Тарчуловски, Жаклина Пешевска и Љупчо Димовски.

Горан Манојлоски

„Во моментов СДСМ е владејачко мнозинство и тие имаат должност да ги обезбедат сите услови за непречено функционирање на Собранието. Сметам дека во овој момент кога 12 отсто од нашата пратеничка група, односно шест пратеници се во притвор нема соодветни услови за ние соодветно да партиципираме во работата на Парламентот“, изјави денеска пратеникот од ВМРО-ДПМНЕ Горан Манојлоски.

Тој рече дека според нивни неофицијални податоци, пратеникот Мукоски веќе една недела штрајкува со глад во затворот во истражниот затвор во Шуто Оризари  оти му е влошена здравствената состојба. Тој додаде дека за кршењето на човековите права на лицата засегнати во настаните од 27 април ги информирале претставниците на меѓународната заедница.

Шесте пратеници се дел од 36 лица кои Основното јавно обвинителство ги гони за тероризам и загрозување на уставниот поредок и безбедноста во врска со насилствата во Собранието од 27 април годинава.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе