Реакција

ВМРО-ДПМНЕ: Иницијатива за референдум за договорот со Бугарија

Пратеничката група на ВМРО-ДПМНЕдо Собранието на Република Македонија ќе поднесе предлог за организирање референдум на кој граѓаните ќе се изјаснат за Договорот за пријателство и добрососедство со Република Бугарија, изјави Трајче Димков од ВМРО-ДПМНЕ.

Oд потпишувањето на Договорот за пријателство и добрососедство со Република Бугарија

Оваа партија смета дека Владата на СДСМ во нетранспарентен процес го склучи овој договор.

ВМРО-ДПМНЕ смета дека пред изјаснувањето за овој договор од страна на пратениците, правилно е да се слушне мислењето на граѓаните.

„Имајќи ја предвид важноста на овој договор, отстапките направени во него од страна на власта во Македонија, и последиците кои ќе бидат долгорочни и поприлично ќе го надминат векот на постоење на оваа влада, демократски е, и би рекле највисок демократски и морален  чин е да се даде можност за изјаснување од страна на сите граѓани на Македонија, пред членовите на парламентот да го усвојат овој меѓународоен договор, и тој да стане валиден“, рече Димков.

Во Бугарија овој договор се ратификува од сите партии и пратеници на нивниот парламент.  „ВМРО-ДПМНЕ  има сериозни забелешки на неколку членови од договорот, а најконкретно во деловите со кои декларирајќи постоење на заедничка историја се предвидува и создавање меѓудржавна комисија која ќе ги дискутира промените на учебниците по историја во Македонија. За ВМРО-ДПМНЕ неприфатливо е откажувањето од македонското малцинство во Бугарија, а непотребно е повторно прифаќање на именувањето на нашиот македонски јазик, како јазик од Уставот на Македонија, дефиниција која не постои во ниту еден друг договор на Македонија и Бугарија со која било земја во светот, и очигледната намера преку оваа формулација за непризнавање на македонскиот јазик“, рече Димков.

Политичките раководства во Република Македонија мора да сфатат дека немаат комодитет да ги занемаруваат економските политики на сметка на политичките агенди.

повеќе

Четирите предложени амандмани треба да им го оневозможат луксузот што го имаа сите досегашни влади, на сите идни влади - спорот за името да им биде изговор за несовесно работење, корупција и системски пропусти.

повеќе

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе