Реакција

ВМРО-ДПМНЕ: Договорот со Бугарија предизвика низа од антимакедонски ставови во Софија

Последиците од договорот за добрососедство со Бугарија, јавноста веќе може да ги види. Во низа се редат антимакедонските ставови кои доаѓаат од високи општествени и политички дејци од Бугарија со кои се погазува и негира македонскиот идентитет, реагира ВМРО-ДПМНЕ.

„Последната доаѓа од Ана Кочева од Институтот за бугарски јазик од Софија која ја оспорува засебноста на македонскиот литературен јазик и која вели дека македонски јазик не постои, јазикот е измислен и дека е западно бугарски дијалект. Сето ова е резултат на штетниот договор што Зоран Заев го потпиша во кој Македонија и Бугарија немаат рамноправна положба и со кој македонскиот јазик наместо реалност се сведе на уставна категорија. Да биде уште посериозно, изјавите на Кочева речиси во целост се поклопуваат со изјавите на Мирослав Грчев, висок партиски функционер на СДС, кој тврди дека македонската држава, македонската нација и македонскиот јазик се измислени од страна на Југославија. Негаторските изјави на функционери на СДС и антимакедонисти во Бугарија се на иста линија и се само потврда дека договорот за наводно добрососедство со Бугарија е само етапа до крајната цел на Заев за редефинирање на Македонија, менување на името и нејзино претворање на држава без историја, и создавање на јазик и народ без корен“, се вели во соопштението на ВМРО-ДПМНЕ.

               

 

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе