ПО АНКЕТАТА НА ТЕЛМА

ВМРО-ДПМНЕ до СДСМ: Да ги расчистиме дилемите на предвремени парламентарни избори

Во врска со анкетата која што Телевизија Телма ја објави во соработка со М-Проспект и МЦМС, ВМРО-ДПМНЕ ги повикува СДСМ и Зоран Заев да се охрабрат и да излезат и на предвремени парламентарни избори на кои граѓаните ќе кажат што мислат за расипничкото и неодговорно владеење на СДС, соопшти ВМРО-ДПМНЕ во реакцијата по објавената анкета.

„Само така ќе се расчистат дилемите, односно забуните кои се создадоа, бидејќи денес беше објавена истата оваа анкета, изработена од истите луѓе пред само еден месец која покажала сосема други резултати. 

Според Анкетата од крајот на месец јули, резултатите од МЦСМ покажале дека ВМРО-ДПМНЕ e со стабилна предност пред СДСМ. Имено, на прашањето Доколку утре се одржат избори за која партија би гласале, 27,1 отсто од испитаниците се одлучиле за ВМРО-ДПМНЕ, додека за СДСМ 22,7 отсто. 

Народот најдобро ќе каже дали се случило нешто во последните 30 дена за така драстично да се смени мислењето, односно дали законот за двојазичност, договорот со Бугарија, укинувањето на планираното покачување на пензиите или тендерите кои Кочо Анѓушев си ги дели себе си придонеле за зголемување на рејтингот на Зоран Заев“, стои во соопштението.

Сферата на локалните јавни финансии претставува многу погодно поле за соработка на локалната власт со приватниот сектор.

повеќе

Драги пратеници, помислете добро пред да притиснете копче за двојазична Македонија.

повеќе