СДСМ: ВМРО-ДПМНЕ продолжува со лажни вести, Договорот е патриотски чин

ВМРО-ДПМНЕ не може да престане со пласирање на лажни вести, измислици и полувистини преку коишто продолжува да работи на штета на државните и интересите на граѓаните, реагира СДСМ на изјавата на генералниот секретар на ВМРО-ДПМНЕ, Игор Јанушев.

„Постигнатиот Договор со Грција е патриотски чин којшто го гарантира и зајакнува македонскиот идентитет и ги отвора вратите за членство во НАТО и ЕУ.

Иако Договорот е јавно достапен за сите, ВМРО-ДПМНЕ денеска продолжи со невистините. Во однос на топонимите, членот 8 став 4 од Договорот обезбедува чисто и соодветно решение согласно меѓународните стандарди. Притоа им се дава приоритет на ендонимите, наместо егзонимите и тоа важи и за двете страни. Приоритет не значи забрана.

Ист е случајот и со формирањето на Заедничкиот комитет кој ќе работи во согласност со начелата и целите на УНЕСКО и Советот на Европа, а неговото делување исто така ќе важи за двете страни подеднакво. Договорот го гарантира македонскиот идентиет, македонската посебност, македонскиот јазик”, се вели во соопштението од СДСМ.

Од партијата порачуваат дека е време ВМРО-ДПМНЕ да престане со лажните вести преку кои работи против интересите на граѓаните и интересите на држава.

 

Земјите од Западен Балкан се соочуваат со нов безбедносен предизвик: дерадикализација и реинтеграција на повратниците.

повеќе

Граѓаните сѐ повеќе ја согледуваат неопходноста од непартиска форма на самоорганизирање.

повеќе

Придобивките од дрвјата за урбаниот екосистем и квалитет на воздухот можат да се зголемат со систематско планирање на зелениот простор. Дизајнирањето на зелените простори во градовите треба да ја опфати и функцијата за чистење на воздухот.

повеќе