СДСМ: Владата вистински ги помага земјоделците

За разлика од претходната власт предводена од ВМРО-ДПМНЕ којашто работеше селективно и на штета на земјоделците, делејќи субвенции по партиска линија и државно обработливо земјиште по бизнис релации, сегашната влада предводена од СДСМ работи во интерес на земјоделците и парите ги насочува кон нив, соопшти СДСМ.

„Уште во првите два месеци од доаѓањето на власт, санирани се штетите направени во земјоделството од претходната власт и донесени се мерки во интерес на земјоделците и унапредување на земјоделското производство.

Обезбедена е поддршка од 10.000 евра, неповратни средства за млад земјоделец. Со тоа Владата ги помага младите регистрирани земјоделци и го поттикнува руралниот развој.

Нови 10 милиони евра се наменети за поддршка на земјоделството, а тоа се пари што ќе стигнат во рацете на овоштарите, полјоделците, лозарите сточарите со што владата директно го помага домашното производство на храна“, се вели во партиското соопштение.  

Оттаму најавуваат дека се подготвуваат прецизни планови за подобра искористеност на ИПА фондовите во земјоделството и додаваат дека од преземањето на власта досега исплатени се околу 60 милиони евра за субвенции, пари кои завршуваат во рацете на вистинските земјоделци.

Најновите случувања на релација политичка власт-граѓански сектор, повторно го отвораат прашањето за односите помеѓу овие два сегмента на општествениот живот.

повеќе

Жените имаат повеќе тешкотии од мажите да најдат значајна и добро платена работа, а процентот на жени во глобалната работна сила постојано заостанува зад процентот на мажите. 

повеќе

Во нашето општество сме опкружени со многу, многу партизани. Партизани во политиката, партизани во образованието и науката, партизани во бизнисот...

повеќе