СДСМ: Блокадата на Собранието е погазување на Уставот и на правото

Блокадите во Собранието, поттикнувањето тензии меѓу граѓаните и насилства што водат кон целосна парализа на државата е погазување на Уставот и на правото во Македонија и загрозување на стабилноста, соопшти СДСМ. 

Според партијата, ова се сериозни дела против државните интереси и секоја институција и поединец треба да знае дека повлекува сериозна одговорност. „Вељјаноски и Иванов не смеат да ги штитат криминалните платформи на Никола Груевски и на раководството на ВМРО-ДПМНЕ кои се обидуваат да си ги спасат личните богатства и интереси, на сметка на интересите на граѓаните и фирмите на кои им е загрозена егзистенцијата и тешко примаат плати. Ситуацијата дополнително ќе се влоши кога ќе престанат сите ингеренции на градоначалниците и советите во општините, нови локални избори не може да се закажат без нов собраниски претседател и тоа ќе значи блокада на целиот државниот систем. Затоа државата мора без одложување да профункционира. Демократските процеси е неопходно да продолжат“, се вели во соопштението од СДСМ.

Од партијата додаваат дека легитимното парламентарно мнозинство од 67 пратеници зад кое застанаа околу 700 000 граѓани е должно да избере легитимен претседател на Собранието согласно Уставот и Деловникот и да ја формира нова реформска влада на граѓаните, што е јасно за целата домашна и меѓународна јавност.

Уништувањето на шумите е една од најголемите еколошки катастрофи со кои се соочуваме, после загадениот воздух.

повеќе

Измените во законот за минимална плата е трул компромис меѓу социјал-демократите и бизнис-лобито во Владата.

повеќе

Македонската јавност е во исчекување од најавата на министерот Оливер Спасовски дека МВР ќе ги истражува сите агенции за обезбедување поради поврзаност со рекетарство.

повеќе