Софија

Самит на Европската народна партија, ВМРО-ДПМНЕ ја доби поддршката за планираните активности

Денеска во Софија се одржа и самитот на Европската народна партија на кој присуствуваше и претседателот на ВМРО-ДПМНЕ Христијан Мицкоски. На самитот се разговарало за актуелните политички, но и економски состојби, како и за предизвиците со кои се соочуваат земјите од Западниот Балкан.

Мицкоски денеска оствари повеќе билатерални средби со лидерите од Европа, како Себастијан Курц, Доналд Туск, еврокомесарот Јоханес Хан... На овие средби било дискутирано за моменталната политичка и економска состојба во Република Македонија и за идните активности кои што ВМРО-ДПМНЕ ќе ги спроведе во наредниот период, соопштува партијата.

„Ги информирав лидерите за протесниот собир што ВМРО-ДПМНЕ заедно со коалицијата планира да го организира на 2 јуни пред Владата во знак на разобличување на сите оние погрешни политики, во знак на сите оние неостварени ветувања, сите оние неисполнети очекувања што ги креираше Зоран Заев и групата околу него во изминатите година дена. Се надевам дека сите оние граѓани што се чувствуваат обесправени и излажани, сите оние граѓани кои што се против овие ненародни политики на Зоран Заев и групата политичари околу него, ќе ни се придружат и ќе застанат рамо до рамо со нас и ќе го изразат својот револт на 2 јуни“, изјави Мицкоски.

Тој вели дека од своите соговорници добил поддршка за сите идни чекори на ВМРО-ДПМНЕ. 

На маргините на самитот на Европската народна партија, Мицкоски оствари билатерална средба и со Виктор Орбан, претседател на Фидес и премиер на Република Унгарија. На средбата беше констатирана добрата соработка помеѓу политичките партии на ВМРО-ДПМНЕ и Фидес. Од страна на премиерот на Република Унгарија, Виктор Орбан беше афирмирана поддршката на ВМРО-ДПМНЕ и претседателот Христијан Мицкоски, се вели во соопштението на партијата.

Природната и суровата храна се заменува со фабрички подготвени оброци и со обработена храна.

повеќе

Гувернерот, кој и да е, не е ничиј должник. Ниту на предлагачот, ниту на тие што ќе го изгласаат.

повеќе

Родовото прашање е клучен двигател за резултатите на здравството.

повеќе