ПОДЕМ со повик да се игнорира референдумот

Извршниот одбор на ПОДЕМ едногласно ја потврдил одлуката од членовите на Централниот одбор, за игнорирање на референдумот на 30 септември.

„Со оглед на штетниот и неуставен договор во Нивици, крајно несериозното и збунувачко референдумско прашање, како и политичката и економска неизвесност, во која актуелната Влада ја води земјата, ги повикуваме граѓаните на Република Македонија на 30 септември да го игнорираат референдумското изјаснување”, се вели во партиското соопштение.

Оттаму додаваат дека ПОДЕМ смета дека местото на Република Македонија ѝ е во Европската Унија и НАТО, но „членка со национално достоинство, неуценета и почитувана”.

„Референдумот не смее да биде изговор за политичкиот и економскиот неуспех кој ѝ се случува на Република Македонија во секоја сфера на живеење. Единствен договор кој мора да ги обедини сите политички партии е правецот во кој ќе се одвиваат реформите во судството, борбата против корупцијата, подобрувањето на состојбите во образованието и здравството, зголемувањето на животниот стандард на населението”, се наведува во соопштението.

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе

Охрид, најголемиот и најпосетен туристички центар во Македонија, балканскиот Ерусалим и европскиот бисер, се менува со брзина на светлината.

повеќе