Мицкоски: Заев да се откаже од Договорот, а потоа избори и формирање ново Јавно обвинителство

Претседателот на ВМРО-ДПМНЕ, Христијан Мицкоски, на прес-конференција излезе со нов предлог кон власта, а тоа е премиерот Заев јавно да се откаже од Договорот со Грција, а потоа може да има избори. Мицкоски побара по изборите да се фомира ново Јавно обвинителство, кое ќе го замени СЈО и ќе ги доистражи прислушуваните разговори и сомнежите за криминал и на оваа влада.

Во своето обраќање Мицкоски кажа дека решението што е постигнато е катастрофално.

„Сега само може да се констатира дека Договорот е мртов. Договори Договор без консензус ветувајќи дека ќе исполни нешто што не може да исполни, манипулирајќи ја и меѓународната заедница дека овој договор може да помине. И покрај притисоците, уцените, полнењето кутии, власта не успеа да ги изманипулира граѓаните кои покажаа одговорност кон својата земја. Власта е целосно делегитимирана, Заев веќе нема легитимитет и кредибилитет, неуспешниот референдум е и одговор дека криминалите не смеат да продолжат. Народот испрати порака дека Заев повеќе не може да биде премиер и треба да се повлече.Нова криза ќе ја доуништи и така кревката економија, а со овие луѓе ќе биде само полошо. Затоа и има две опции: избори, за кои мора да има пржинска влада каква што Заев имаше пред изборите 2016 година и јавен обвинител на предлог на опозицијата, како и анкетна комисија. Власта лажно ме обвинува дека сум барал некаква општа амнестија и сака да ме девалвира мене лично и измислуваат дека намерно сме го кочеле политизираното СЈО. Влегов во политиката да му служам на народот и поради тоа да создавам за народот, но и да се борам против криминалот.

Ниту сум условувал, сите пратеници имаат должност да ја следат волјата на граѓаните. Втората опција е Заев веднаш да се откаже од Договорот, па потоа да оди на избори. Притоа ВМРО-ДПМНЕ после изборите ќе поддржи нова обвинителство, веднаш по завршувањето на СЈО, овојпат Јавен обвинител со консензус кој вистински ќе се бори против криминалот, но и да ги доиспита прислушуваните материјали, како и криминалите на оваа влада. Стојам овде и велам ајде да ставиме крај на криминалот и вистински да се бориме против него и да ставиме крај на сомнежите за криминал. Еве шанса оваа Влада да докаже дека вистински е против криминалот, рече Мицкоски на прес конференцијата. 

Прашан за коментар околу потврдената пресуда од Апелација на екс-премиерот Груевски и наводно тргување со пратенички гласови за негова слобода, Мицкоски рече дека самиот факт што некој мисли дека владата на Зоран Заев тргува со правдата, зборува за тоа во каков амбиент и општество живееме. Мицкоски рече дека е непринципиелно и не би сакал да верува дека некој воопшто размислува да тргува за нешто за што граѓаните јасно се изјасниле на 30 септември без разлика дали се тоа пратеници од ВМРО-ДПМНЕ или од СДСМ.

Прашан, што ако власта инсистира на избори по скратени рокови и дали ВМРО-ДПМНЕ ќе учествува на такви избори, Мицкоски рече дека тоа што власта сака брзи избори говори каква е желбата на оваа власт да остане и продолжи да го пљачка народот, кратко укажувајќи дека е неопходно формирање „пржинска влада“.

Миграција со достоинство (#WithDignity) е темата на Меѓународниот ден на мигрантите 2018 година, кој го одбележуваме во вторник (18 декември).

повеќе

Без оглед на фактот што од постоењето на уметноста постои и теорија и приказна за тоа, уметничкиот процес останува крајно неразбирлив.

повеќе

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе