ПРЕД ЛОКАЛНИТЕ ИЗБОРИ

Кандидат на СДСМ за Дебрца е Благојче Стојчески

Поранешниот директор на јавно претпријатие на Дебарца, Благојче Стојчески е кандидатот на СДСМ за градоначалничкото место во оваа општина за октомвриските локални избори.

 

Партијата го обвинува досегашниот градоначалник Игор Трајкоски за големи трошења за службени патувања и за ручеци.

„Во последните 4 години крајно расипничко и нетранспарентно беше трошењето на општинските пари и во делот на службените патувања. Во 2013 година за дневници за патувања во земјата потрошени се 122.000 денари, во 2014 година потрошени се 178.800 денари, во 2015 година потрошени се 200.400 денари, во 2016 година потрошени се 178.920 денари. За споредба, за време на претходната локална власт, во 2012 година потрошени се само 8.000 денари.

Трајкоски успеал трошоците за дневници да ги зголеми од 15 пати во 2013 година до 25 пати во 2015 година, кога се реализирани 250 дневници, во исто толку работни дена во годината. И притоа, најголемиот дел од дневниците завршиле во џебот на градоначалникот и неговиот возач, кои на овој начин ем патувале со службеното возило, ем си обезбедувале дополнителен приход на општинска сметка“, велат од СДСМ.

Премиерот имаше добра прилика во највисокиот светски политички форум, поексплицитно да ги образложи причините за спорот за името.

повеќе

Сферата на локалните јавни финансии претставува многу погодно поле за соработка на локалната власт со приватниот сектор.

повеќе

Драги пратеници, помислете добро пред да притиснете копче за двојазична Македонија.

повеќе