ИСТРАЖУВАЊЕ НА ЈАВНОТО МИСЛЕЊЕ

Фактор плус Адриа: ВМРО-ДПМНЕ со 4 отсто предност пред СДСМ, на трето место е Коалицијата за промени и правда

Коалицијата За подобра Македонија на владејачката ВМРО-ДПМНЕ има предност од 4 отсто пред коалицијата предводена од СДСМ, покажува последната анкетата „Политички барометар – декември 2016“на агенцијата Фактор плус Адриа од Белград.

Истражувањето на јавното мислење во Македонија е спроведено телефонски на 1.200 испитаници кои беа прашувани од 28 ноември до 2 декември.

Од анктираните, 27,6 отсто одговориле дека на претстојните избори би гласале за ВМРО-ДПМНЕ, а 23,1 отсто од испитаните веќе се определиле за опозициската СДСМ. Според оваа анкета, на трето место е Коалицијата за промени и правда со 6,1 отсто доверба на гласачите, а коалицијата ВМРО за Македонија со 1,3 отсто.

Кај партиите на македонските Албанци води ДУИ со 6,2 отсто, ДПА со 4,4 отсто, а движењето БЕСА има поддршка од 1,0 отсто од испитаниците.

За „друга опција“ се определиле 5 отсто од испитаниците, а 25,3 отсто од испитаниците се неопределени (не знаат за кого ќе гласаат 9,3 отсто, нема да гласаат 8,6 проценти, а одбиле да одговорат 7,4 отсто).

Според Фактор плус Адриа, во октомври рејтингот на ВМРО-ДПМНЕ беше 28,1 отсто, а на СДСМ 23,9 отсто.

Лани во декември,одговорни лица на оваа агенција за МКД.мк изјавија дека изтражувањата Политичкиот барометар за Македонија го финансираат од сопствени извори и ако постои интерес за подлабоки анализи, агенцијата овие податоци ги продава.

 

 

Историјата не е политички договор за добрососедство, туку сеопфатна студија за минатото, од која треба да се влечат поуки за сегашноста и патокази кон иднината.

повеќе

Владата и Министерстовто за култура треба да се дистанцираат од овој т.н. марш и да прекинат да го поддржуваат.

повеќе

Приказната ја почна новиот премиер со изјавата дека сме с'штиот народ, а ја продолжи екс-премиерот Георгиевски со својот пост на својот фејсбук профил.

повеќе