Единствена Македонија: Владата на Заев во јавноста пушти лажна анкета преку свои платеници

Од партијата Единствена Македонија на Јанко Бачев велат дека успеале да дојдат до недоамнешна анкета која, според нив, ја нарачала владата на Зоран Заев, а која покажува дека 91 отсто од испитаниците се против влез во НАТО, а 80 отсто ќе го бојкотираат референдумот.

„Резултатите од оваа анкета владата ги крие, а во јавноста пушти лажна анкета преку свои платеници: Меѓународниот центар за меѓународна соработка, Агенцијата „М-проспект“, која е во служба на СДСМ уште додека беа во опозиција, а Заев своевремено на двапати има добиено наменска награда од нив за таканаречен најуспешен менаџер во југоисточна Европа и владината телевизија „Телма“, со обезбедувањето на пропагандната подршка“, се вели во партиското соопштение.

Од Единствена Македонија додаваат дека марионетската власт во Скопје мора да е во очај штом со лажни анкети започнува специјална војна пред референдумот на 30 септември.

„Бојкотот на референдумот ништо повеќе не може да го спречи. Процесот е тргнат, храбро, решително и во интерес на народот, бидејќи, македонскиот народ и поголем дел од граѓаните не сакаат Македонците да бидат избришани од светската мапа на нации“, стои во соопштението.

 

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе

Во битката за фотелја во ФФМ секогаш решавачка била „техниката" на добивање гласови од делегатите со поткуп, ветувања, партиски и притисоци на локалните моќници... 

повеќе

Како може да се надминат исклучивите и националистички толкувања на минатото: што работат комисиите?

повеќе