Реакција

ДОМ предлага ригорозни мерки против загадувањето

Македонските градови се и натаму потонати во смог и неопходни се ригорозни мерки против загадувањето. Од Демократската обнова на Македонија велат дека потребни се интервентни набавки на опрема за уништување на медицински и друг биолошки отпад во Дрисла, пречистувачи на воздух, апсорбери на чад од оџаци на домаќинствата, филтри на индустриски оџаци и слична опрема.

„Ова се неопходни и полезни инвестиции во здравјето. Паралелно, треба да се преземат или засилат мерките , кои значат реорганизација во однесувањето на институциите, правните субјекти и граѓаните", велат од ДОМ.

Финската студија за загадувањето на воздухот во скопскиот регион од 2016 година покажа дека извори се : 32% загревањето на домаќинствата, 20% сообраќајот, 19% градежништвото и 18% индустријата.

ДОМ предлага од денес до крајот на февруари да важат итните мерки:
Пар- непар (за да биде поефикасен бесплатниот јавен превоз), забрана за тешки товарни возила низ град, забрана за возила под Еуро 4 стандард, затворање на градилиштата, преполнување на производството или затварање на загадувачки погони, редовно собирање на отпадот, редовно миење на улиците, зголемени инспекциски контроли на општинските и државните инспектори за животна средина.

Уште зимава треба да се почне со среднорочните мерки: пропишување листа на дозволени горива во домаќинствата и индустријата (со забрана за нееколошки пелети со лепила), субвенции за печки на пелети, сончеви панели за топла вода, изолација на домовите, субвенции за вградување плински уреди во возилата што загадуваат, субвенции за хибридни и електрични возила и зголемување на возниот парк во јавниот превоз со електрични автобуси, додаваат од ДОМ.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе