БЕСА бара уставни измени за правата на Албанците ако се гласа за договорот со Грција

Движењето Беса анализирајќи ја актуелната политичка ситуација во земјата и епилогот од референдумот оценува дека политичката одговорност за високите државни интереси и припаѓа на сегашниот парламентарен состав да им дава можност на отворање на уставните промени.

Од партијата Беса сметаат дека е историски момент ако се отвори прашањето за уставните промени. Ако во собранието се гласаат уставните амандмани за договорот со Грција, Движењето Беса најавува дека ќе бара поголеми права за Албанците.

„Движењето Беса ќе даде конкретни и концизни предлози во врска со унапредувањето на уставните права на Албанците во Македонија како втора по големина етничка заедница во земјата. Во духот на овие барања кои се во интерес на Албанците во Македонија, Движењето Беса апелира до сите албански политички партии дека преку политичкиот дијалог и обврските што произлегуваат од заедничката маса на албанските парламентарни партии да ги координираат прашањата од национален интерес на Албанците“, се вели во соопштението од Беса.

Од таму додаваат дека по информациите во јавноста дека Македонија може да влезе во предвремени парламентарни избори, Беса категорично ја отфрлува можноста за предизборна коалиција со СДСМ,

„Секоја коалиција на СДСМ со било која албанска партија без да ги заокружува уставните права на Албанците како еднакви граѓани во Македонија, би биле штетни за интересите на Албанците. Движењето Беса како опозициска партија е отворено за соработка со сите албански политички сили, невладини организации, како и со групи на интелектуалци кои имаат приоритет максимализирање на албанскиот глас како единствена можност за квалитетна и достоинствена политичка застапеност на Албанците во Македонија“, велат од Беса.

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе