НА ЕДНО ОД РОЧИШТАТА ЗА „ТВДИНА 2“

Обвинетите службенички од УБК се пожалија дека тајно биле фотографирани во судница

Шесте службенички во УБК кои заедно со Горан Грујевски се обвинети во случајот „Тврдина 2“, на денешното рочиште и се пожалија на судијката дека биле тајно фотографирани со мобилен телефон од присутни во судницата, а фотографијата потоа била јавно објавена. Обвинетите службенички кажаа дека знаат од кого е направена фотографијата која и ја покажаа на судијката и дополнија дека ваквиот потег им ја загрозува безбедноста. 

Тие преку нивните бранители побараа од судот да ги предупреди присутните во судница, дека овие обвинети не смеат да бидат фотографирани и објавувани со оглед на фактот дека работат во тајната служба.

По ваквото барање од адвокатите, судијката појасни дека професијата и работното место кое овие обвинети ги обавуват се специфични и дека поради овие причини јавноста била исклучена на едно од претходните рочишта, кога се читаше обвинителниот акт. Судијката ги предупреди присутните дека не смеат да ги фотографираат обвинетите службенички без одебрение и дозвола и нагласи дека јавноста ќе може да го следи судењето, но ако законот налага тајност на постапката, јавноста во тој дел ќе биде исклучена. 

Во постапката со Грујевски во случајот „Тврдина 2“ за уништување на документи им се суди и на шест жени од УБК. 

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе