По реакциите на граѓаните

Зголемен бројот на термини за вакцинација против грипот - засега во земјава нема грип

Министерството за здравство информира дека од денеска се зголемува бројот на термини за вакцинација против сезонски грип. Со новите термини вакцинацијата започна денеска во 14 часот во Здравствен дом Скопје, односно се одвива во шест поликлиники на територија на Скопје и тоа во поликлиниките: Ѓорче Петров, Букурешт, Чаир, Бит Пазар, Ченто и Јане Сандански. Имунизацијата е со упатување од матичен лекар преку Мој термин во период од 14 до 19 часот.

Почнувајќи од денеска преку Мој термин за Скопје се отворени 1.800 термини за вакцинција проти сезонскиот грип, а попладнево ќе се дадат уште 1.080 термини, известува Минитерството за здравство. Станува збор за деновите петок, понеденик, вторник и среда, а од попладнево и за деновите - сабота, четврток и петок.

Во работните денови пунктовите за вакцинација работат до 19 часот, а во саботите од 8 до 14 часот, нагласуваат од Министерството.

Дистрибуцијата по останатите градови е во тек и граѓаните дополнително ќе бидат информирани за отворените термини за вакцинација

Вакцинација е бесплатна за следните дефинирани ризични групи: за лица над 65 години, лица со хронични заболувања, здравствени работници, бремени жени и за децата на возраст од 6 месеци до 5 години.

Во однос на забелешките дека се доцни со вакцинацијата, Министерството за здравство одговара дека според препораките од страна на епидемиолозите нема период во кој може да се задоцни со вакцинацијата.

„Добро е секој граѓанин да ја прими вакцината во било кој пердиод до започнување на пикот на сезоната на грип. Порано пикот на сезоната бил во декември и јануари, а сега со временските промени пикот го очекуваме при крајот на месец јануари и почеток на февруари. Во однос на ова, според епидемиолозите никогаш не е доцна граѓаните да се заштитат од сезонскиот грип и да ја примат потребната вакцина", велат од Министерството.

Оттаму потсетуваат дека поради пандемијата со коронавирусот, потребни се дополнителни заштитни мерки кога во прашање е вакцинацијата. Наместо на 5 минути разлика помеѓу една и друга вакцинација, таа на пунктовите да се спроведува на секои 10 минути.

Министерството за здравство информира и дека засега не е регистриран случај на грип во земјава.

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе