Клиника за кожни болести

Заразени пет лица што биле во контакт со директорката на Кожно

Пет од 29-те нови регистрирани случаи позитивни на коронавирусот се лица поврзани со заболената поранешна директорка на Клиника за кожни болести. Тие се асимтоматски, без симптоми на заболување, но нивните тестови за коронавирусот се позитивни. Лицата биле и ќе останат во домашна изолација, и ќе бидат во контакт со лекари од Инфективната клиника.

Како што појасни министерот за здравство Венко Филипче, од вкупниот број лица поврзани со директорката што се во самоизолација, тестирани биле триесетина, а позитивни биле само петте споменати. Во наредниот период, додаде министерот, ќе бидат тестирани и останатите лица.

„Од 29-те нови случаи пет се од Кожната клиника, кои по 16 дена поминати во изолација се без никакви симтоми, но на направените контролни тестови, со оглед дека помина инкубацискиот период, тие имаат позитивен резултат. Лицата се во добра здравствена состојба, асимптоматски се, ќе останат во домашна самоизолација и согласно со нивната состојба во интензивна комуникација со колегите од инфективната клиника“, рече министерот за здравство.

Според него, добро е што дел од новодијагностицираните случаи се откриваат во рана фаза, поради тоа што, како што рече, тоа значи дека здравствениот систем може да ја амортизира бројката на пациенти. Апелираше граѓаните да ги почитуваат мерките, бидејќи, како што потенцира, од сите искуства од другите земји и од студии може да се види дека, покрај епидемиолошките анкети тестирањето кога ќе помине инкубацискиот период, најдоброто што може да се направи е почитување на самоизолацијата и прекин на социјалните контакти.

Министерот Филипче најави дека викендов или кон почетокот на следната недела ќе биде објавена детална статистика што се случува со бројот на пациенти, јасно ќе бидат прикажани дијаграмите и бројките, но очекувањата со можен процент на грешка, согласно со анализата на епидемиолозите.

Министерот Филипче рече и дека на Инфективната клиника пред два дена се направени и контролни тестови на четворица пациенти што долго време се лекуваат таму и оти тие се негативни. Од четворицата, додаде министерот, тројца се во значајно добра состојба и кај сите ќе биде земен контролен брис во текот на следниот ден. Ако тој биде негативен, според Филипче, тројцата ќе се упатат на домашно лекување.

„Нивната состојба постепено се подобруваше и согласно со сегашните наоди на белите дробови, клиничкиот статус, согласно со тестовите исклучително се мали шансите во оваа фаза на лекување да дојде до компликација или влошување“, рече министерот за здравство.

Во изминатите 24 часа се регистрирани 29 нови случаи на коронавирус во земјата, вкупниот број заболени изнесува 177 лица.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе