Неделен извештај на ИЈЗ

За една недела повеќе тестирања за ковид-19, помалку нови случаи, но повеќе починати

Во периодот од 21 до 27 март во земјава се направени вкупно 16.074 тестирања за ковид-19, односно 2,9 отсто повеќе од претходната недела, а регистрирани се 1.696 нови позитивни случаи од 33 градови во државата, што е помалку за 7,5% од претходната недела. Најголем дел од регистрираните случаи се од Скопје, 60,8%, пишува во неделниот извештај на Институтот за јавно здравје (ИЈЗ).

Регистрирани се заболени лица во сите возрасни групи, а најзастапена е возрасната група на лица над 60 години (n=455; 26,8%), додека најмал број е регистриран кај возрасната група од 0-9 години (n=51; 3,0%). Во однос на претходната недела, се регистрира незначително зголемување на бројот на заболени кај возрасните групи од 50-59 години и 60+. Кај сите останати возрасни групи се забележува намалување во споредба со минатата недела, со најзначително намалување кај возрасните групи 10-19 (24,2%) и 0-9 (17,7%).

Во текот на минатата недела со статус „оздравени“ се стекнале 1.738 лица во хоспитализирани услови или на домашно лекување, 1,7% помалку во споредба со минатата недела (n=1.768). Во текот на минатата недела вкупно се пријавени 268 реинфекции, со намалување од 13,3% во однос на претходната недела.

Пријавени се 17 смртни случаи во 8 градови со датум на смрт во текот на изминатата недела (21-27.03.2022), за 13,3% повеќе во однос на претходната недела (n=15). Најголем дел од нив се од Скопје (8). Во однос на возраста, регистрирани се 16 починати од возрасната група над 60 години и еден починат од возрасната група од 50-59 години.

Во Лабораторијата за вирусологија и молекуларна дијагностика при ИЈЗ на РСМ, во текот на изминатата недела во 5,3% од испитуваните примероци е докажана BA.1 сублинијата на Омикрон, а во 94,7% од испитуваните примероци е докажана BA.2 сублинијата на Омикрон - позната уште и како „стелт“.

Според извештаите од болниците, моментално се хоспитализирани 82 лица (24,8% помалку во споредба со претходна недела), од нив 33 се на кислородна поддршка (32,7% помалку во споредба со претходна недела), а 1 на инвазивна/неинвазивна механичка вентилација (66,7% помалку во споредба со претходна недела).

.

Кој кого „мафлосува“, тие нас или ние нив. Чекор напред, три назад, како раковите во Охридското Езеро од моето детство кои исчезнаа во налетот на технолошкиот напредок и уништувањето на животната средина.

повеќе

Ние сме земја што први во Европа имаме стратегија за интеркултурализам.

повеќе

Францускиот предлог претставува директно рушење на основните темели на ЕУ.

повеќе