Филипче

Во земјава недостасуваат околу 600 лекари, секој млад лекар ќе добие платена позиција

Министерот за здравство Венко Филипче денеска беше во работна посета на Општата болница во Охрид, каде во употреба беше предадено специјално возило за транспорт на пациенти, донација на компанијата „Руски транс" реализирана преку соработка со „СОС Балкан медиа".

Во изјавата за медиумите Филипче најави дека посетата на болницата ќе биде искористена за средби со раководството на Општата болница, разговори за постепеното раздолжување на установата, за изградбата на новата поликлиника, како и околу имплементирањето на пилот-проектите за полесен пристап на пациентите до поквалитетни и подостапни здравствени услуги. Ќе се разговара и за потребите на установата, со каква апаратура располага, што треба да се набави од опрема.

Планираме набавка на опрема за повеќе болници во државата, што ќе се реализира согласно потребите на регионите, утврдени преку т.н. економска анализа на медицинска технологија. Тоа значи дека за потребите на пациентите од регионот опремата ќе се распоредува во болниците во Охрид, Струга и во болницата „Свети Еразмо“, чија реконструкција предвидува целосно нова опрема. Апаратите од таа болница, како и апаратите во болниците во Охрид и Струга ќе бидат насочени за задоволување на здравствените потреби на населението од тој дел на државата“, појасни министерот Филипче.

За локацијата на новата поликлиника дополнително ќе биде разговарано со локалната власт, дали ќе се обновува старата Маларична или објектот ќе се гради во рамки на кругот на Општата болница.

По однос проблемот во ресорот со недостиг на медицински кадар во земјата, Филипче истакна дека според анализите на министерството за здравство во земјава недостасуваат околу 600 лекари и потсети дека изминатата година Министерството вработило 3.200 лица, најмногу лекари и медицински персонал.

„Иако со тој тренд продолжуваме и оваа година, воведуваме нова програма согласно измените на Законот за здравствена заштита, секој млад лекар кој ќе добие лиценца за работа, по автоматизам добива платена позиција во системот за примарна здравствена заштита. Наша проценка е дека тој период од шест месеци е неопходен за стекнување на потребното работно искуство“, рече Филипче.

Што се однесува на изградбата на нова болница во Струга, министерот истакна дека постојната локација на здравствената установа не ги исполнува потребните инфраструктурни услови, така што ќе биде потребно определување нова локација, за што се водат разговори со локалната самоуправа. Што се однесува на моделот на финансирање, тој истакна дека дополнително ќе биде утврдено дали ќе биде по пат на кредит, заем или преку приватно-јавно партнерство.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе