Коронавирусот се шири во Италија

Во Венето и Ломбардија живеат 16 илјади македонски државјани, нема информации за нивната состојба

Околу 64 илјади македонски државјани живеат во Италија, а од нив околу 12 илјади живеат во Венето и околу 4 илјади во Ломбардија, двата северни региони во земјата во кои има изолација на 11 населени места поради епидемија на коронавирусот.

Ова се статистички податоци од италијанскиот сајт Тутиталиа. Податоците се од 2019 година, а засега нема официјални информации од нашите надлежни органи за состојбата со македонските државјани во овие два италијански региони, каде што се воведени вонредни мерки, откако во Италија досега се регистрирани над сто случаи на заразени од коронавирусот, од кои 89 во Ломбардија. Три лица починаа како последица на коронавирусот.

Според податоците на сајтот Тутиталиа, во Венето има 11.736 македонски државјани, а во Венеција, која се наоѓа во овој регион 2.820 македонски државјани.

Во Ломбардија, пак, според истите податоци лани живееле 3.648 македонски државјани, а во модниот центар Милано 335.

МИА

 

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе

Турската влада има нови барања од социјалните медиуми и дигиталните платформи како што се Фејсбук (Facebook), Ватсап (Whatsapp), Инстаграм (Instagram) и Твитер (Twitter). 

повеќе

Баталете ги овие глупости со Бугарија, а Османи нека си фати патот до Брисел да земе обрасци за членство во ЕЕО и нека ги пополнат брзо.

повеќе