Во Штип ќе се гради монтажна болница

Штипската Клиничка болница има доволно ресурси и ден за ден ја решава ситуацијата со пациентите, но се подготвува со капацитети за на есен, кога се очекува зголемување на бројот на заболени од ковид-19.

„На дневна основа ние испишуваме дел од пациентите, кои што се негативизирале, кои се без симптоми, по што доаѓа друга група. Доколку се случи нагло да дојде голема бројка и да ги пополни нашите капацитети, ние во договорот со министерот тоа го расчистивме, доколку има потреба од здравствена заштита, ќе ги упатуваме во друга болница. Мораме да преземаме вакви мерки уште сега, оти сите најавуваат во септември дека ќе имаме нов бран на ковид-19,“ изјави директорот на штипската Клиничка болница Ален Георгиев.  

Во септември се очекува да биде поставена монтажна болница, која се планира да биде поставена во комплексот до Детското одделение, каде има празен простор. Георгиев вели дека ќе бидат потребни мали интервенции.

„Тој простор може да се уреди со мали корекции. Треба да се зарамни, да се постави подлога, да се постават бараки, тоа се модули кои се надоградуваат и бројот на кревети се зголемува. Ние би можеле да дојдеме до капацитет од 50 кревети,“ додава Георгиев.

Доколку се случи наплив на пациенти, ќе се носат во некои од другите ковид центри, иако засега бројката е стабилна и во последните десетина дена се движи околу 50. Болниците во Кочани и Велес имаат услови доколку има потреба да бидат нов ковид центри, но тоа е одлука на Министерството за здравство“, рече тој.  

Во моментов на Инфективното одделение во Штип се хоспитализирани 55 пациенти од повеќе градови во Источна Македонија.

 

 

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе