Во „Борис Трајковски“ од август нема да има вакцинација

Во август ќе се затвори вакциналниот пункт во А1 арената „Борис Трајковски“, а вакцинацијата ќе продолжи во здравствените установи, најави денеска министерот за здравство, Венко Филипче.

Според Филипче, медицинските центри веќе можат самостојно  да ги опслужат потребите за вакцинирање.

„Во август продолжуваме со вакцинација во пунктовите рамки на здравствените домови. Останува да функционира салата во Тетово и во Струмица, целокупниот друг процес ќе се одвива во здравствените домови и теренската вакцинација“, рече Филипче.

Тој додаде дека теренската вакцинација во градовите и селата ќе продолжи по принципот на систем на ротација.

„Процесот на вакцинација се одвива добро и одлучивме дека нема потреба да бидат во функција веќе толкави места, а вработените полека се враќаат на работните места во здравствените домови. Чекавме да помине тој масовен прилив за ревакцина кај граѓаните. Продолжува вакцинацијата без закажан термин“, рече Филипче.

Според податоците од Министерството за здравство што ги пренесе Филипче, во земјава досега се ревакцинирани 330 илјади граѓани, а од крајот на август се очекува таа бројка да стигне до 500 илјади граѓани. Од 1.800 пријавени деца од 12 под 18 години, досега се вакцинирани 630.

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе