Министерство за здравство

Вчера црн рекорд со бројот на новозаразени од ковид-19, најмногу од 30-39 години

Бројот на новозаразени од ковид-19 продолжува да расте. Последната дневна статистика што ја објави вчера Министерството за здравство покажува дека речиси 20 проценти од тестираните пациенти се позитивни на корона вирусот, односно од 2.441 направени тестирања  регистрирани  се 445 нови случаи. Најзастапена група новозаразени од ковид-19, според последните податоци објавени од Институтот за јавно здравје, се лица на возраст 30-39 години.

Истовремено од ИЈЗ посочија дека во последниот период се регистрирани заболени лица во сите возрасни групи.

Вчера се регистрирани 194 оздравени пациенти, а во болнички услови починаа девет лица.

И понатаму најголемиот број на активни случаи се регистрирани во Скопје, близу две илјади, а  само вчера беа регистрирани 249 новозаразени со коронавирусот. После главниот град со најголем број  активни случаи, 281, е  Струмица, по што следат Тетово со 226 и Куманово со 168 осум активни случаи.

Ситуацијата со активните случаи драстично е променета во скопските општини. Ако до вчера на прво место со активни случаи со ковид-19 беше Чаир, тоа денеска е Општина Аеродром, со вкупно 400 активни случаи. Следува Центар, со 352 активни случаи, Карпош со 344 пациенти со корона вирусот, Кисела Вода, со 232, Гази Баба со 180 случаи. Најмал број активни случаи во другите скопски општини има во Шуто Оризари, 13 активни случаи, Бутел 73 и Чаир 84 активни пациенти со ковид-19.

Вкупната бројка на ковид дијагностицирани во нашата земја од почетокот на епидемијата достигна 21.636, на оздравени пациенти е 16.591, на починати е 809, а во моментов бројот на активни случаи во земјата изнесува 4.236.

Голем број на заболени се регистрира и кај лицата во возрасните групи од 40-49 (n=440; 19,6 отсто), 20-29 (n=414; 18,5 отсто), над 60 (n=405; 18,1 отсто) и 50-59 (n=343; 15,3 отсто). Најмал број е регистриран кај децата од 0-9 (n=53; 2,4 отсто) и 10-19 години (n=132; 5,9 отсто). Од случаите кои се епидемиолошки истражени (n=1.347; 60,1 отсто), регистрирани се 94 (7,1 отсто) хоспитализирани, а кај 319 (23,7 отсто) лица е регистрирано присуство на коморбидитети. Од вкупниот број на нови случаи, 513 (38,1 отсто) имале контакт со потврден случај. Регистрирани се 22 (1,6 отсто) лица со историја на патување (во последни 14 дена).

По добиени два негативни теста за присуство на SARS-CoV-2 или со употреба на новиот алгоритам, како оздравени се водат 815 лица кои биле хоспитализирани или на домашно лекување, 29 повеќе споредено со претходната недела.

Пријавени се 31 смртен случај од 15 градови, за еден повеќе од претходната недела. Во однос на возраста, 26 лица биле над 60 години, а 4 лица на возраст од 50-59 години. Само едно лице е од возрасната група 40-49 години. Коморбидитети се регистрирани кај 24 починати лица.

Освен препораките предложени од минатата недела министерот за здравство, Венко Филипче, вчера истакна дека до овој момент нема потреба од други дополнителни рестрикции поради ковид-19. За да може сите овие препораки како што се забрана за собири повеќе од четири лица во домашни услови и носење на маска на отворено, како што изјави вчера министерот Филипче, неопходно е да се направат законски измени. Според него, најбрз начин е да се интервенира амандмански во Законот за заштита на населението од заразни болести кој е веќе во собраниска процедура.

Министерството за здравство соопшти дека согласно извештајот на Институтот за јавно здравје кој се однесува на периодот од 5 до 11 октомври, вкупно се тестирани 13.028 материјали во лабораториите во кои се спроведува молекуларно тестирање за присуство на SARS-CoV-2 или 32,5 отсто повеќе во однос на претходната недела.

Регистрирани сe 2.243 нови позитивни случаи од 33 града во државата, што претставува зголемување од 86,5 отсто во однос на претходната недела. Најголем дел од регистрираните случаи се од Скопје (n=1155; 51,5 отсто), а највисока неделна инциденца е регистрирана во Гевгелија – 215,1/100.000.

Процентот на позитивни случаи од тестирани во овој период изнесува 17,2 отсто или 5 отсто повеќе во однос на претходната недела. 

При еден спор, понижувањето не е добро ниту за победникот, ниту за поразениот; ниту за „победникот“, ниту за „поразениот“.

повеќе

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе