Се испрашуваат вработените во ковид-центарот во Тетово

Суво дрво да беше, немаше да изгори толку брзо за 3 минути како модуларната болница, вели д-р Нуредини

Сѐ траело три минути, дојдов и јас веднаш, но се беше завршено, изгорено, рече денеска координаторот на ковид-центарот во Тетово, Гзим Нуредини. Додава дека пациентите се спасувале и сами, со кршење прозорци, но за жал живи останале само 12 луѓе, додека 14 се мртви. Не сакаше да шпекулира за причините, но тврди дека во објектот имало и ПП апарати и надзорни камери. 

„Тоа сѐ траеше 3-5 минути. Медицинските екипи, вработените и лица коишто беа надвор, роднини коишто сакаат да комуницираат со нас...сите тие помогнале и замислете сѐ се случи за 3 минути. За тоа време се спасија само овие 12 пациенти. Другите не се успеа бидејќи пламенот за 3 минути го опфати целиот простор", рече Нуредини.

Вели дека кога дошол, а успеал да стигне за неколку минути се било завршено.

„Ние не сме експерти баравме јавен обвинител, цел објект бил во пламен наеднаш. Мене ми е чудно и суво дрво да е, нема да гори толку брзо. Сепак не сакаме да го политизираме настанот, истрагата нека утврди како се случи и зошто изгоре толку брзо, вели Нуредини.

Починатите се пратени на Институтот за судска медицина затоа што биле изгорени до степен на непрепознатливост. Тие што се спасени биле без никакви поседици од огнот и веднаш биле транспортирани во Интерната клиника во Тетовската болница.

Нуредини вели дека се испрашуваат вработените дали имале свои роднини кои биле пациенти и дали им биле во посета во работно време или надвор од работното време. Тој повтори дека посета на ковид-пациенти е строго забранета и дека доколку имало надворешни лица во ковид-центарот за тоа надлежните ќе понесат одговорност.

На прашањето зошто имало придружба и дали починал некој кој не бил пациент, Нуредини рече дека ќе се уврди дополнително. Сепак вели дека најверојатно имало некој кој не е пациент внатре, но можеби бил вработени во Клиниката, а роднина на некој пациент.

„Секоја посета е казнива. Ние и порано имавме укажувања дека наводно имало посети. Веднаш пративме известувања до сите, да не се дозволува посета. Дали имало некој случај не знам. Овде има и вработени во ковид-клиниката кои доаѓале кај нивни блиски, некои се и роднини. Сега бараме да ни дадат кои биле роднини и дали биле вработени во ковид центарот. Сите кои влегле биле со маска и ги почитувале протоколите, вели Нуредини.

Во последното деноноќие во Тетово поради последици од ковид починало едно лице кое е родено 1949 година со дијабет. Имало 37 прегледи, а 57 се хоспитализирани.

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе