Министерство за здравство

Сите деца со спинална мускулна атрофија го примија лекот Спинраза

Сите седум деца со спинална мускулна атрофија на Клиниката за детски болести ја примија потребната терапија на лекот Спинраза, информираат од Министерството за здравство.

Лекот Спинраза, според Министерството, претставува најсовремена терапија што се дава во најразвиените земји во светот.

„Значително го зголемивме буџетот на Програмата за ретки болести. Во 2016 година, буџетот изнесувал 203 милиони денари, додека пак во предлог-буџетот за 2020 година предвидени се 527 милиони денари“, пишува во соопштението од Министерството за здравство.

За две години, како што се додава, воведени се пет нови лекови, за болеста фамилијарна амилоидна полиневропатија, лек за апластична анемија, лек за спинална мускулна атрофија, ампуларна и таблетарна терапија за пациентите со Гоше и лек за терапија за пациентите со идиопатска белодробна фиброза.

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе