Синдикатот на здравствените работници со финансиска поддршка за обезбедување маски за ЈЗУ

Самостојниот синдикат за здравство, фармација и социјална заштита апелира до менаџерските тимови на сите јавни здравствени установи во државата во оваа вонредна состојба за максимално придржување и спроведување на мерките за заштита од коронавирусот, особено за оние здравствени работници и вработени кои се во директен контакт и непосредна близина со пациентите.

Од Синдикатот посочуваат дека ќе преземат и активно учество со финансиска поддршка во обезбедување на заштитни маски, во кои еден дел би биле и пософистицирани маски за директно изложените, кои ќе бидат испратени до менаџерските тимови во јавните здравствени установи во одредена количина од наредната недела.

Здравствените работници, истакнуваат од Синдикатот, им се потребни на граѓаните повеќе од кога било досега во борбата за заштита на јавното здравје.

Во новонастанатата ситуација, свесни сме за ризикот и изложеноста на вирусот на нашите вработени во здравствената дејност. Ја поздравуваме активноста на Министерството за здравство во делот на превземените мерки, а посебно ангажманот на министерот за здравство Венко Филипче, додаваат од Самостојниот синдикат за здравство, фармација и социјална заштита.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе