Маските остануваат

Сали: Ситуацијата со ковидот не е толку позитивна за да кажеме „од денеска сме слободни”

Посакувам повеќе од вас да бидам првиот што ќе најави дека од утре сме без маски и сигурно ќе бидам запамтен по таа изјава, меѓутоа состојбата не е се уште толку позитивна за да кажеме од денеска сме слободни, изјави денеска министерот за здравство, Беким Сали.

Според Сали, состојбата во земјава се уште не е толку лабава за да почнеме да функционираме на стариот, нормален живот.

„На една страна се желбите, а од друга страна се реалните бројки кои ги добиваме. Како Министерство здравство, Институт за јавно здравје и Комисијата за заразни болести ја следиме состојбата освен во државата, во регионот и пошироко. Имаме четири држави кои ни се репер како први држави кои ослободија мерки. Денес таму забележуваме бумеранг враќање на првобитна состојба. Сите ние се согласуваме дека не би ризикувале да направиме таков потег со цел само да олесниме, а повторно да се вратиме на претходното. Оваа недела на состанок на Комисијата за заразни болести закажан за среда ќе видиме каква е епидемиолошка состојба во државата”, рече Сали.

Тој информираше дека серолошката анализа покажала дека 86 отсто од вакцинираните и 75 отсто од невакцинираните кои прележале ковид-19, имаат имунитет. 

„Сите тие држави кои ги ослободија мерките имаа многу поголеми показатели. Оптимист сум за општата состојба кај нас, меѓутоа се уште не сум оптимист за мерките”, додаде Сали, според кого, за жал ние се уште сме на граница меѓу жолта и зелена зона, но повеќе кон жолтата зона одиме.

Посочи дека веќе не е показател само бројот на новоинфицирани, многу е значајно на 100.000 жители колку се новоинфицирани, колку се хоспитализирани и колку се со последици од тоа.

„И индикаторот за хоспитализација и за новоинфицирани е позитивен. Се надевам дека оваа недела ќе испаднеме во зелена зона, меѓутоа дали ние сме подготвени да ги ослободиме мерките не сум сигурен и ќе треба да видиме што ќе одлучиме во среда на состанокот на Комисијата. Во државите кои ни се репер индикаторите биле пониски од нашите, а и се вакцинирани над 80 отсто, така што и природната и вештачката имунизираност кај народот не е гарант дека нема да се врати претходната состојба”, изјави Сали. 

Одговарајќи на новинарски прашања кажа дека секоја клиника, секој одел го организира денот за работа врз основа на состојбата која ја добива како заклучоци од Комисијата за заразни болести во која има претставници од секое ниво на сите здравствени установи за да можеме тие информации и одлуки да ги пренесеме во нашите институции.

„Посакувам да бидеме во сигурна зелена зона за да бидеме слободни, па да отвораме повеќе термини за редовни контроли, интервенции итн. Ја најавувам фазата постковид за која ќе ни требаат други различни здравствени политики. Ковидот е еден голем предизвик, но имаме уште 30-тина други дијагнози кои се на работ на епидемии или евентуално пандемии и ќе треба да се справуваме”, додаде Сали. 

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе