„Нема потреба од продолжување на скринингот кај учениците“

Сали: Сега сме во фаза на смирување на четвртиот бран

Нема потреба да се продолжи скринингот кај учениците, бидејќи, според резултатите процентот на инфицирани ученици е многу мал. Бројките на новозаразени секојдневно се следат и сега се наоѓаме во фаза на смирување на четвртиот бран, вели министерот за здравство, Беким Сали.

„Според досегашните резултати сметаме дека нема потреба да се продолжи со скринигнот, затоа што ја постигнавме целта. Баравме од овој скрининг да видиме колкав е процентот на новоинфицирани деца, гледаме дека бројката е многу мала, 0,8 отсто, така да нема потреба од продолжување со скринингот. Секојдневно ги следиме бројките и сметаме дека сме во фаза на смирување на четвртиот бран“, изјави Сали по одбележувањето на Денот на ретки болести.

На новинарско прашање дали на утрешната седница на Комисијата за заразни болести ќе се предложи дополнително намалување на мерките, министерот рече дека прво ќе се направи анализа на епидемиолошката состојба и таа ќе даде насока во кој правец ќе се движиме.

„Серолошкиот скрининг ќе ни даде дополнителна информација како да постапуваме. Секако, ние ќе правиме анализа на состојбата која се случувала минатата недела, и ќе одлучиме за идната недела во зависност од резултатите од скринингот“, додаде Сали.

Засега, вели, не може да каже дали ќе има олеснителни мерки во однос на тргање на маските на децата од училиштата и како ќе постапат во идниот период зависи од утрешниот состанок на Комисијата за заразни болести.

 

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе

Кој кого „мафлосува“, тие нас или ние нив. Чекор напред, три назад, како раковите во Охридското Езеро од моето детство кои исчезнаа во налетот на технолошкиот напредок и уништувањето на животната средина.

повеќе