Расте бројот на позитивни на ковид-19, активни се 7.131 случај

568 нови случаи на ковид-19 се регистрирани во изминатото деноноќие со што бројката на активни случаи во земјава достигна 7.131, а речиси половината од нив се во Скопје. Според податоците од Министерството за здравство, опфатот со вакцинација со една доза вакцина, на полнолетната популација е 57 отсто, а со две дози опфатени се 46 отсто од граѓаните над 18 години.

Досега во земјата се направени вкупно 1.393.963 тестирања на ковид-19, од кои 3.594 во изминатите 24 часа. Според епидемиолошки анализи во моментов, најмногу активни случаи има во Скопје – 3467, Куманово – 442, Велес- 337, Прилеп – 327 и Битола – 311. Во последните 24 часа оздравени се 293 пациенти и регистрирани се 12 починати лица, информираат од Министерството за здравство.

Во однос на вакцинацијата, пак, изминатите два дена аплицирани се вкупно 9.009 дози вакцини, од кои 1.873 како прва доза, 1.580 се ревакцинирани, а 5.536 граѓани примиле трета доза вакцина. Заклучно со завчера вкупно се вакцинирани 806.781 граѓани, ревакцинирани се 777.655, а трета доза примиле 36.424 граѓани, соопшти Министерството за здравство.

Од граѓаните над 40-годишна возраст 54 отсто се ревакцинирани, а 33 отсто од популацијата од 18 до 39 години примиле барем една доза вакцина.

Опфатот со вакцинација со една доза вакцина, кај полнолетната популација е 57 отсто, а со две дози опфатени се 46 отсто од граѓаните над 18 години. Според бројот на аплицирани вакцини, 39 отсто од целата популација во нашата земја е вакцинирана, а 35 отсто од граѓаните во државата примиле две дози вакцина, информираат од Министерството.

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе