Распишан тендерот за новиот Клинички центар, треба да биде готов за 7 години

Министерство за здравство денеска го распиша тендерот за изградба на нов универзитетски Клинички центар на на локацијата „Веле Поле“ во општината Ѓорче Петров. Се работи за гринфилд локација по моделот „клуч на рака“ со поддршка при менаџирање на проектот.

Проектот, како што е објавено на Електронскиот систем за јавни набавки, ќе ги опфати следниве главни категории на услуги и работи кои треба да се изведат и извршат планирање, проектирање и подготовка на техничка документација, изградба, управување со изградбата и градежни работа, опремување, техничка опрема, управување со информациски систем, медицинска и немедицинска опрема, планирање на преместувањето на клиничкиот центар, управување со трансферот, планирање и управување со процесот на паралелната работа на болничката инфраструктура, обука на персоналот и одржување на објектот и опремата за определен период.

Според концептот на договорот, реализација на градбата е во последователни три фази по системот „клуч на рака“. Како најсоодветен пристап и изградба на комплексот ќе се смета оној што планира имплементација на проектот во неколку фази, со цел самоодрживост во секоја последователна фаза. Договорот се склучува со времетраење до целосно исполнување на обврските на двете договорени страни, а рокот за реализација е 90 месеци.

Како главни елементи при одредување на критериумот за избор на економски оператор е најповолна понуда се цената со 30 бодови и квалитетот со 70 бодови.

На тендерот може да учествуваат домашни и странски компании преку групна пријава.

Изградбата на новиот Универзитетски клинички центар ќе стартува на почетокот на следната година, а треба да заврши за седум години. Целиот проект ќе чини 500 милиони евра, што ќе се обезбедат со кредит од комерцијалните банки „Ерсте груп“, „Рајфајзен банк“ и „Уникредит“, кои доставиле најдобра понуда.

Изградбата на новиот Универзитетски клиничкиот центар, како што е најавено, ќе се одвива во три фази при што првата фаза би завршила по 3,5 години, а последната по седум години. Се планира најпрво да се префрлат хируршките клиники, операциските сали и Ургентниот центар, а потоа и клиниките за гинекологија, за педијатрија и за онкологија.

Министерот Венко Филипче, минатата недела на брифинг со новинарите рече дека овој центар треба да ги опслужува граѓаните во наредните 70-80 години.

САД остануваат најмоќната држава во светот, но францускиот претседател Макрон прави сѐ да стане своевиден „пандан“ на претседателот на САД.

повеќе

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе