Во Клиничката болница во Битола

Почина 33-годишна жена, не била тестирана за ковид, но се жалела на болка во гради, ниска сатурација и кашлица

Жена на возраст од 33 години ноќеска починала во битолската болница. Била примена со кашлица, ниска сатурација и болки во градите. Информацијата за МКД.мк ја потврди директорката на Клиничката болница Битола, Билјана Гагачовска. Таа вели дека според досегашните податоци, починатата пациентка немала коморбидитети, освен што имала зголемени килограми. 

„Пациентката синоќа беше задржана на болничко лекување. Имала проблеми со дишење, изразена кашлица и болки во градите. Иако имала симптоми на корона, не била тестирана и не се води како позитивен случај. Во текот на ноќта состојбата на пациентката драматично и се влоши, а утрово почина. Нема коморбидитети освен обезност. Пациентката не е вакцинирана“, ни изјави директорката на Клиничката болница во Битола Билјана Гагачовска.

На барање на лекарите врз телото на починатата пациентка ќе биде направена обдукција која ќе треба да ги утврди причините поради кои толку брзо и се влошила состојбата и таа починала. 

Во Битола периодов кога е зголемен бројот на случаи на ковид-19 има 1.456 позитивни пациенти.

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе