Шефот на државата во Гостивар

Пендаровски апелира граѓаните да се вакцинираат

Процесот на вакцинација да се одвива контиунирано до целосна имунизација на населението, а личната одговорност на секој граѓанин е еден од предусловите за побрзо и побезбедно стекнување на колективен имунитет, порача претседателот на државата Стево Пендаровски при денешната посета на вакциналниот пункт и на Итната медицинска помош во Гостивар.

Директорот на здравствениот дом Јасмин Синани го информирал претседателот за моментално опфатените целни групи во кои се вакцинираат граѓани над 77 години со постепено намалување на возрасната граница над 60 годишна возраст. Согласно динамиката, дневно се вакцинираат околу 50 граѓани.

За време на посетата, како што соопшти кабинетот на претседателот, Пендаровски разговарал и со медицинските лица задолжени за вакцинација кои истакнале дека процесот се одвива непречено според календарот на имунизација.

Граѓаните кои денеска се вакцинирале упатиле апел до сите граѓани да се вакцинираат бидејќи со тоа, според нив, се спасуваат животи.

Пендаровски ја посетил и службата на Итната медицинска помош каде бил информиран за бројот на интервенции на дневно ниво поврзани со пандемијата, како и за тоа дека медицинскиот персонал е веќе вакциниран со исклучок на оние вработени кои закрепнуваат од Ковид-19

Во чест на Меѓународниот ден на трудот, вреди да се разгледа состојбата со работничките права во државата, да се направи краток осврт на изминатата година и да се согледа што може да се направи за да се насочат работите кон подобро.

повеќе

Таквиот вид на анахрон национал-романтизам, со речиси апологетски однос кон окупаторската политика на Бугарија во Втората светска војна, штетна е за хармонизација на односите на Балканот, пред сѐ на Бугарија со РСМ, но и со Србија.

повеќе

Некогаш да градиш на три континенти, а денес да не ја градиш сопствената држава.

повеќе