Само 11 ученици од 292 одлични кои полагаа приемен испит во скопската гимназија „Орце Николов“ добиле петка

Само 11 ученици од 292 кои полагаа приемен испит во скопската гимназија „Орце Николов" имаат одличен успех на тестот. За 285 слободни места во скопската гимназија „Орце Николов", во првиот уписен рок се пријавиле 353 ученици. Од нив, дури 337 се со просечен успех 5,00, а останатите се исто така со одличен успех. Кандидати со многу добар успех, нема. Поради големиот интерес за упис во скопското средно училиште „Орце Николов“, гимназијата во понеделникот спроведе квалификациско тестирање по предметите македонски јазик и математика. Се тестирале 292 одлични ученици.

Од вкупно 170 бодови, над 129 бодови што се смета за одличен успех или оценка 5 освоиле 11 ученици, односно само 3,76% од тестираните, многу добар успех од 107 до 129 бода имаат 39 ученици или 13,36% од тестираните.

Најголем број од учениците 133 или 45,55%, на приемниот испит добиле тројка или добар успех со освоени од 67 до 106 бода.

Доволен успех со освоени од 45 до 66 бода имале 70 ученици, оценка единица или недоволен успех со освоени под 45 бода имаат покажно 39 ученици.

Од вкупно тестираните 292 ученици, во прва година се примени 251 ученик.