Анализа на Министерството за здравство

Од починатите 1.506 лица од ковид, 17 отсто биле вакцинирани

Во периодoт од 6 август до 21 октомври на територијата на целата држава од тестираните за ковид-19 позитивни биле 42.945, а од нив 11.253 лица или 26% биле целосно вакцинирани, информира Министерството за здравство.

Според статистиката на Министерството, во овој период 31.692 граѓани, односно 74% од позитивните на ковид-19 и 76 проценти од хоспитализираните не биле вакцинирани.

Исто така, анализата покажува дека смртноста кај невакцинираните е драстично поголема и во овој период од ковид-19 починале 1.506 лица од кои 1.246 пациенти, односно 83 отсто не биле вакцинирани, а 260 пациенти или 17 отсто имале примено вакцина. Овие лица, како што се вели во анализата, имале повеќе хронични заболувања. Инаку, пациентите биле вакцинирани со сите типови вакцини кои што ги има на располагање во земјава.

Министерството за здравство повторно укажува на важноста на вакцинација, а секоја вакцина која ја имаме на располагање е безбедна. Истовремено оттаму апелираат граѓаните да се вакцинираат, зашто само така ќе се стигне до колективен имунитет и ќе се спречи ширење на мутации на ковид-19.

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе