Од морбили почина 10-месечно бебе, заразен е и директорот на Неврохирургија

По речиси три недели на Клиниката за детски болести, вчера од морбили почина десетмесечно бебе, откако добило тешка пневмонија и крварење во мозокот како резултат на малите сипаници. Ова е четврти смртен случај од мали сипаници за период од три месеци.

„Имало тешка пневмонија, мозочно крварење. Апелирам уште еднаш дека малите сипаници се сериозно заболување и можат да ги нападнат сите органи, и системот за дишење, и централниот нервен систем”, изјави Владимир Микиќ, епидемиолог во Институтот за јавно здравје.

Минатата недела во Институтот за јавно здравје регистрирале 110 нови случаи на мали сипаници а на болничко лекување во моментот има над 50 возрасни и деца заразени со морбили. Според евиденцијата на здравствените власти, шест пациенти се во тешка состојба поради компликации со морбили на Клиниката за инфективни болести. Меѓу нив е и 16-годишна девојка која е на апарати за дишење.

Истовремено, од морбили се заразиле и неколку вработени на Клиниката за неврохирургија, меѓу кои директорот. Поради сериозноста на болеста тој во моментот е хоспитализиран на Клиниката за инфективни болести, јави НоваТВ.

„Веќе неколку дена сум на Клиниката за инфективни болести заради морбили и дури денес сум малку подобро. Не знам од кого е пренесена болеста. Кај нас на Клиниката доаѓаат пациенти од цела држава, но амбулантските случаи се најголем проблем, бидејќи доаѓаат пациенти од цела држава и има голема фрекфенција. Денеска персоналот се вакцинираше за да се заштитат од морбили“, изјавил Рендевски.

Македонизмот често е мистика и точка на недоразбирање и меѓу Македонците и на Македонците со другите народи во и околу Македонија.

повеќе

Хрватскиот музичар и кантавтор Дадо Топиќ уште во далечната 1973 година во неговата култна песна „Македонија" ја опиша нашата татковина како „земја каде сонцето вечно сјае".

повеќе

Одолговлекувањето на истрагата за случајот „Рекет" е тесно поврзана со политичките проценки за тоа до каде може да се оди во тактиката „жртва за квалитет".

повеќе