Министерство за здравство

Нема полициски час, прославите со неограничен број гости, дозвола за организирање концерти и забави...

Од денеска целосно се укина полицискиот час, угостителските објекти нема да имаат ограничување во работното време, свадбите ќе може да се организираат со повеќе од 100 гости, а дозволени се настани, концерти и забави во клубовите и локали само на отворено, со капацитет до максимум 50 отсто од објектот и не повеќе од 1000 лица. Ова се мерките што ги препорача Комисијата за заразни болести, а вчера на седница ги прифати Владата и стапија на сила од ноќеска на полноќ.

Една од препораките е и измена и дополна на Протоколот за организирање  свадби, прослави и веселби.

Последната статистика од вчерашното деноноќие регистрира 29 нови случаи на ковид-19 од направени 2.887 тестирања, ниту едно починато лице. Оздравени се во тоа деноноќие 34 лица. Активни се 420 случаи.

Вкупниот број ковид-дијагностицирани лица во земјава од почетокот на епидемијата изнесува 155.568, бројката на оздравени пациенти е 149.676, на починати е 5.472. Досега во земјата се направени вкупно 838.323 тестирања на ковид-19.

Според вчерашните податоци на Министерството за здравство, на инфективните одделенија во државава се лекуваат вкупно 96 пациенти позитивни и суспектни на коронавирусот, од кои 30 се во Скопје. Во ковид-центрите има околу 460 празни болнички кревети. Поради намалениот број болни, болниците затворија дел од капацитетите наменети за ковид пациенти.

Вакцинацијата против ковид-19 се одвива непречено на сите вакцинални пунктови низ државата. Интересот за вакцинирање се зголемува. Според податоците на веб страницата vakcinacija.mk, досега во државава се вакцинирале 259.935 граѓани. Бројот на лица кои изразиле желба за вакцинација преку веб платформата vakcinacija.mk е 450.634 граѓани.

„Вакцинацијата се спроведува согласно Националниот план за имунизација. Се вакцинираат возрасни лица, граѓани кои искажале интерес за вакцинација на веб страницата vakcinacija.mk а се вакцинираат и лица вработени во критична инфраструктура. Масовна вакцинација се одвива во неколку градови во државата и тоа во Арената А1 во Скопје, во спортските сали во Кавадарци, Куманово, Тетово, Штип, Битола, Струмица, Охрид, Велес и Прилеп, посочуваат од Министерството.

Вчера пристигна донација од 20.000 дози вакцини „Астразенека“ од Грција.

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе